اليكم جديد النكت المصريه مع نكت بلياردو المضحكه دعونا نرسم البهجه على وجوهكم نكت بلياردو
ملخفن ده بقى اذكى وأقوى واحد قى صعيد مصر وإسمه بالكامل :
ملخفن ابن الغبى الدغف (واضح طبعا صفاته من اسمه)
ومن شابة اباه فما ظلم المحروس فلخم يبقى ابنة لزم ماشاء الله (كله ابوه)
كأنهم فولة وأتقسمت نصين .
هانعيش معاهم ومع مواقفهم شويه وأتمنى ان النكت دى ماتبقاش بايخة
فلخم : عايز فيتراك يابوى
ملخفن : لازم تتجوز بنت عمك
فلخم : فيتراك دى مربى يابوى
ملخفن : بنت عمك عسل
فلخم : فيتراك دى برطمان يابوى
ملخفن : بنت عمك بلاص
ملخفن معدى على جماعة بلدياتة لقاهم عاملين حادثة بالعريبة والعربية متخرشمة ومتطبقة
واصحابنا عمالين ينفخوا فى الشكمان علشان يرجعوها سليمة تانى قام قاللهم : يابهايم
بتنفخوا فى الشكمان والشبابيك مفتوحة
فلخم عايز يثبت زكاؤه طلب يسألوه فى المعلومات العامه وعرف يوصل لإجابات الاسئلة
اللى حايسألوه فيها وكتبهم فى قصاقيص ورق وخباهم فى ياقة القميص وبدأ الاختبار
-الممتحن : من هو موحد القطرين ؟
-فلخم يهرش فى قفاه ويطلع القصقوصه الاولى ويقرأ منها
موحد الجترين هو الملك مينا
-الممتحن : برافو عليك طب مين هوا مكتشف قنون الجازبية الارضية
-فلخم يهرش ويطلع الورقه ويقول هو العالم اسحق نيوتن
-الممتحن : هايل طب مين اللى وضع النظريه النسبية
-فلخم يهرش ويطلع ورقة ويقرأ اللى فيها : قطن مصرى خالص 100 %
فلخم وملخفن بيدوروا على كنز
ملخفن قال لفلخم أنا حاحفر وأدور على الكنز وانت جوللى لو فى حد جاى
فلخم أول مأبوه لقى الكنز الشيطان لعب فى دماغه وراح ماسك الفأس ونازل
على دماغ ملخفن بضربه تفلق حجارة هرم خوفو
ملخفن بص له وقال له : إبه فيه حد جاى ؟؟
ملخفن راح للدكتور البيطرى : الحمار تعبان جوى يادكتور
الدكتور البيطرى : حط الدواءده فى الخرطوم وحط طرف الخرطوم فى بقك
والطرف التانى فى بق الحمار وانفخ
تانى يوم لقاه جاى تعبان جدا سأله : مالك ؟؟
ملخفن قال الحمار هو اللى نفخ الاول
فلخم اشتغل شوية فى المرور ( كامدير تخطيط شمبرلاحى)
إشترى شقه لقاها ضيقه عملها إتجاه واحد
-----------------------------------------------------------------------------------------------------
مره عمل بنصيحة الله يرحمه محمد رضا وإدى ضهره للترعة ونزل بضهره
البلهارسيا أدتة على قفاه
----------------------------------------------------------------------------------------------------
ملخفن راجع متضايق فى يوم
فلخم بيقولة مالك يابوى؟
ملخفن قالة الحمار اتسرج منى النهارده يالة
فلخم قال وماله يابوى دخلتك علينا بمليون حمار
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــ
فلخم راح لواحد بلدياته لسه متخرج طاظه من كلية الطب
قال للدكتور لما بحط يدى على عينى يادكتورمابشوفش حاجه
الدكتور عامله عمليه خرمله ايده
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــ
مراتة بتقول له شايف هاريدى جارنا كل اسبوع بياخد مراتة يفسحها
ملخفن قال لها : ليكى عليا كل يوم آخدها أفسحها
------------------------------------------------------------------------------------------------------
هريدى : قريبى غطاس ماهر نزل البحر من ساعة ولسه ماطلعش
ملخفن : أخويا أجدع منه نزل من الصيف اللى فات واسه ماطلعش
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ
عملوا مسابقة لتحمل أكل نوع واحد بس من الطعام لمدة سنة
الامريكى طلب طن هامبورجر ودخل الاوضه بتاعته
الالمانى طلب 500 كيلو كفيار ودخل الاوضه بتاعته
ملخفن طلب سيجاره ودخل الاوضة بتاعتة سألوه مش عايز حاجه تانيه غير السيجارة؟؟ ايوه
إدولهم طلباتهم وبعد سنة فتحوا الباب عى الامريكى لقوه مات
فتحو على الالمانى لقوه مات
فتحوا على ملخفن الباب لقوه بيقول : جبتوا الكبريت ؟؟؟؟؟
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــ
ملخفن أول مره يسوق طيارة هليكوبتر حس بالبرد قفل المروحة
---------------------------------------------------------------------------------------------------
فلخم بيقول لصاحبه : مش أنا حلمت إمبارح إن فيه حراميه إتلموا عليا
ونزلوا ضرب فيا
صاحبه : طب وما قمتش من النوم ليه ؟
فلخم : ويجولواعليا جبان
---------------------------------------------------------------------------------------------------
فلخم معدى على مرصد حلوان لقاهم ماسكين التليسكوبات وباصين على السماء
سألهم بتدوروا على ايه ؟
العلماء : بندور على هلال رمضان
ملخفن : ماهو الهلال اهه
العلماء بصوا مكان مابيشاور لهم لقوا الهلال فعلا
قالوا له انت هايل - خد آدى 500جنيه مكافأه
ملخفن فى سره : 500جنيه بحالهم
وراح قايل للعلماء : طب آدى هلال تانى الناحية التانيه اهه
------------------------------------------------------------------------------------------------------
فلخم وملخفن خدوا 4 بهايم يبيعوهم فى السوق بتاع المواشى
فلخم باع 5 بهايم ورجع فاضى
-----------------------------------------------------------------------------------------------------
ملخفن معدى على صوان كبير فبيسأل : هو فيه ايه؟
الراجل : ده اربعين ميت
ملخفن : يانهار ازرج 40 ميت فى ليله واحده
الراجل : لأ ده واحد مات من أربعين يوم
ملخفن : يانهار ازرج ولسه دافنينه النهارده؟
الراجل : لأ يابلدينا دول دافنوه من اربعين يوم
ملخفن : يانهار أزرج ولسه جاعدين لغاية دلوكتى
