هو العتب نبعه حزن ،، إن حز بالخاطر زعل ؟؟
أو العتب أصله شعور .. تزعل إذا تغير بشر !!
ناس تعيش متغيره .. كل يوم فصل من الفصول
وناس تعيش في رتابة .. وكاتمه آهة قهر
دنيا بها نجم ظهر ،، ونجم بدا في ال أفول
هذى طبيعة ما اتفق .. وما اختلف حزن و سرور
دنيا يا بنت الشيوخ ،، متشابكة و في ذهول
عشنا كثير والأمنيات .. نلقاها في الوحدة بسهر
تلقين شي أذهلك ،، في الأصل حالة من الذبول
لا تشتكين لا تعتبين .. يكفي تمدين البصر
ما مر يوم كنتي فيه ،، مثل الطفل ذاك الخجول
اللي عيونه في السما ... يركض تعثر في حجر
صرنا شباب صار الغياب ،، والطيب جبال و سهول
مثل الطفل .. تعثرت .. خطوات شيخ .. يوم كبر
مهما تعبنا الدروب ،، تستعصي بيدينا الحلول
وهذى الحياة بأحوالها .. عتبان قلبي على البشر
